Cardless Cash Withdrawal : గూగుల్ పే, ఫోన్‌పేల ద్వారా ఏటీఎం నుంచి మనీ విత్‌డ్రా.. బ్యాంకులకు ఆర్‌బీఐ ఆదేశం

Cardless Cash Withdrawal : కార్డురహిత నగదు విత్‌డ్రాయల్స్‌ను ప్రోత్సహించి.. ఏటీఎం మోసాలను నిరోధించాలని ఆర్‌బీఐ భావిస్తోంది. దీని కోసం యూపీఐ యాప్‌ల ద్వారా కార్డు అవసరం లేకుండానే ఏటీఎం నుంచి నగదును విత్‌డ్రా చేసుకునే సౌకర్యాన్ని కల్పిస్తోంది. అన్ని బ్యాంకులు ఈ సౌకర్యాన్ని ఎంత వీలైతే అంత త్వరగా తీసుకురావాలని ఆర్‌బీఐ ఆదేశించింది. అయితే ఈ లావాదేవీలపై బ్యాంకులు ప్రత్యేకంగా ఎలాంటి ఛార్జీలను విధించవద్దని ఆర్‌బీఐ ఆదేశాలు జారీ చేసింది.Cardless Cash Withdrawal : ఏటీఎం మోసాలను నిరోధించేందుకు, రిజర్వు బ్యాంకు ఆఫ్ ఇండియా(RBI) కార్డురహిత విత్‌డ్రాయల్ సౌకర్యాన్ని కల్పించింది. ఈ కొత్త సర్వీసుల్లో భాగంగా.. కస్టమర్లు ఏటీఎం కార్డు అవసరం లేకుండానే యూపీఐ సాయంతో ఏటీఎం మెషిన్ నుంచి మనీని విత్‌డ్రా చేసుకోవచ్చు. ఈ కొత్త సౌకర్యానికి ఆర్‌బీఐ ఇంటరాపరబుల్ కార్డులెస్ క్యాష్ విత్‌డ్రాయల్(ఐసీసీడబ్ల్యూ)గా పేరు పెట్టింది. వీలైనంత త్వరగా అన్ని బ్యాంకులు తమ ఏటీఎంలకు ఐసీసీడబ్ల్యూ సౌకర్యాన్ని ప్రారంభించాలని ఆర్‌బీఐ ఆదేశించింది.యూపీఐకి చెందిన ఈ కొత్త ఫెసిలిటీని నేషనల్ పేమెంట్ కార్పొరేషన్ ఆఫ్ ఇండియా( NPCI) డెవలప్ చేసింది. ఏటీఎం మెషిన్‌లో కార్డురహిత నగదు విత్‌డ్రాయల్‌ను ఇన్‌స్టాల్ చేస్తే.. గూగుల్ పే, పేటీఎం, ఫోన్‌పే, ఇతర యూపీఐ యాప్‌ల ద్వారా మనీని విత్‌డ్రా చేసుకోవచ్చు. ఏటీఎంలలో మోసాలను తగ్గించేందుకు ఈ కొత్త సర్వీసు ఎంతో ఉపయోగపడుతుంది. ఈ కారణంతోనే బ్యాంకులు త్వరగా ఈ సౌకర్యాన్ని తమ బ్యాంకులలో ఎనాబుల్ చేయాలని ఆర్‌బీఐ తెలిపింది.

అయితే యూపీఐ ద్వారా ఏటీఎం నుంచి మనీ విత్‌డ్రా చేసుకుంటే విధించే ఛార్జీలపై ఇప్పటి వరకు ఎలాంటి క్లారిటీ లేదు. కానీ ప్రస్తుతం RBI ఈ విషయంపై ఒక స్పష్టతనిచ్చింది. ఏ బ్యాంకు కూడా యూపీఐ ద్వారా కస్టమర్లు ఏటీఎం నుంచి మనీని విత్‌డ్రా చేసుకుంటే ప్రత్యేకంగా ఎలాంటి ఛార్జీని విధించవద్దని తెలిపింది. ఈ కార్డురహిత సౌకర్యాన్ని కూడా ఏటీఎం, డెబిట్ కార్డు విత్ డ్రా మనీ మాదిరిగానే అందించాలని చెప్పింది.ఈ సౌకర్యం ద్వారా మనీని విత్ డ్రా చేసుకునేందుకు ఎలాంటి ఏటీఎం కార్డుని ఏటీఎం మెషిన్‌లో ఇన్‌సర్ట్ చేయాల్సినవసరం లేదు. ఏటీఎం స్క్రీన్‌పై ఒక క్యూఆర్ కోడ్‌ వస్తుంది. ఫోన్ ద్వారా దాన్ని స్కాన్ చేసి, మనీని విత్‌డ్రా చేసుకోవచ్చు. ఇలాంటి సమయంలో కార్డు క్లోనింగ్ కానీ స్కిమ్మింగ్ కానీ జరగదు.



యూపీఐ ద్వారా కార్డురహిత నగదు విత్‌డ్రాను ఎలా చేపట్టుకోవాలి..?


తొలుత మీరు ఏటీఎం మెషిన్‌లో ఉన్న క్యాష్ విత్‌డ్రాయల్ ఆప్షన్‌ను ఎంపిక చేసుకోవాలి.

దాని తర్వాత ఏటీఎం స్క్రీన్‌పై ఉన్న క్యాష్ విత్‌డ్రాయల్ విత్ యూపీఐ ఆప్షన్‌ను సెలక్ట్ చేసుకోవాలి.

దీని తర్వాత, ఏటీఎం మెషిన్‌ స్క్రీన్‌పై క్యూఆర్ కోడ్ వస్తుంది.

స్మార్ట్‌ఫోన్‌లో క్యూఆర్ కోడ్‌ను స్కాన్ చేయడం ద్వారా యూపీఐ యాప్‌లో మీరు విత్‌డ్రా చేసుకోవాల్సిన మొత్తాన్ని చెప్పాల్సి ఉంటుంది.

ఆ తర్వాత యూపీఐ పిన్‌ని మీ స్మార్ట్‌ఫోన్‌లో నమోదు చేయాలి.

మీరు పిన్‌ను నమోదు చేసిన తర్వాత.. ఏటీఎం మెషిన్ నుంచి మనీ విత్‌డ్రా అవుతాయి.

Posted in: ,

Related Posts

0 comments:

Post a Comment

AP Latest Information

Capacity Building Training & Registration Links
Telugu & English News Papers
Ammavodi Eligibility Lists
FA & SA Marks Entry
Read Along App and May 2021 Schedule More

Sponsered Links

E-Patasala( TLM)

General Information

More

GOs

More
Top