LIC Scholarship: విద్యార్థులకు రూ.20,000 వరకూ స్కాలర్‌షిప్‌.. ఇంటర్, డిగ్రీ, పీజీ విద్యార్థులు అప్లయ్‌ చేసుకోవచ్చు.. లింక్‌ ఇదే

LIC HFL Vidyadhan Scholarship 2022: LIC (లైఫ్ ఇన్సురెన్స్ కార్పోరేషన్ ఆఫ్ ఇండియా) తన అనుబంధ విభాగం.. హౌసింగ్‌ ఫైనాన్స్‌ లిమిటెడ్‌ (LIC HFL).. విద్యాధన్ స్కాలర్‌షిప్ పేరుతో స్కాలర్‌షిప్స్ అందిస్తోంది. ప్రతిభ ఉండి ఆర్థిక పరిస్థితుల కారణంగా ఉన్నత చదువులు చదువలేకపోతున్న పేద విద్యార్థులకు ఎల్ఐసీ స్కాలర్‌షిప్స్ అందిస్తోంది.

అర్హతలు:

LIC HFL విద్యాధన్ స్కాలర్‌షిప్ ఇంటర్‌ ఫస్టియర్‌ (Class 11) , డిగ్రీ ఫస్టియర్‌ నుంచి పోస్ట్ గ్రాడ్యుయేషన్ ఫస్టియర్‌ చదువుతున్న విద్యార్థులకు అందిస్తారు. అభ్యర్థులు ముందు తరగతిలో కచ్చితంగా 60 శాతం మార్కులు సాధించి ఉండాలి. అలాగే కుటుంబ వార్షిక ఆదాయం రూ.3,60,000 మించకుండా ఉండాలి.స్కాలర్‌షిప్‌ ఎంతంటే..?

ఈ స్కాలర్‌షిప్‌కు ఎంపికైన పీజీ విద్యార్థులకు ఏడాదికి రూ.20,000 చొప్పున రెండేళ్లు అందజేస్తారు.

ఈ స్కాలర్‌షిప్‌కు ఎంపికైన డిగ్రీ విద్యార్థులకు ఏడాదికి రూ.15,000 చొప్పున మూడేళ్లు అందజేస్తారు.

ఈ స్కాలర్‌షిప్‌కు ఎంపికైన ఇంటర్‌ విద్యార్థులకు ఏడాదికి రూ.10,000 చొప్పున రెండేళ్లు అందజేస్తారు.

అర్హత, ఆసక్తిగల అభ్యర్థులు ఆన్‌లైన్‌ విధానంలో అప్లయ్‌ చేసుకోవాల్సి ఉంటుంది. సెప్టెంబర్‌ 30 దరఖాస్తులకు చివరితేది. దరఖాస్తు చేసుకోవడానికి.. పూర్తి వివరాలకు లింక్‌ పై  Click చేయండి.

Online Apply Link