.jpeg)
ప్రభుత్వ ఉద్యోగుల అంతరాష్ట్ర బదిలీలకు ముఖ్యమంత్రి వైఎస్ జగన్మోహన్ రెడ్డి గ్రీన్ సిగ్నల్ ఇచ్చారు. ఆంధ్రప్రదేశ్, తెలంగాణ రాష్ట్రాల మధ్య ఉద్యోగుల బదిలీ విషయం చాలా కాలంగా పెండింగ్లో ఉండటంతో.. వారి బదిలీలకు అనుమతిస్తూ సీఎం నిన్న కీలక నిర్ణయం తీసుకున్నారు. తెలంగాణ నుంచి ఆంధ్రాకు 1338 మంది ఉద్యోగులు, ఏపీ నుంచి తెలంగాణకు 1804 మంది ఉద్యోగులు అంతరాష్ట్ర బదిలీల కోసం దరఖాస్తు చేసుకున్నారు. ఈ మేరకు జాబితాను తెలంగాణ ప్రభుత్వం ఆమోదం కోసం అధికారులు పంపనున్నారు.
ఉపాధ్యాయ బదిలీల్లో తప్పనిసరిగా ఎనిమిదేళ్ల సర్వీస్ ను పరిగణనలోకి తీసుకోవాలని ఏపీ గవర్నమెంట్ ఎంప్లాయీస్ ఫెడరేషన్ కోరగా.. అందుకు ముఖ్యమంత్రి జగన్ సానుకూలంగా స్పందించారు. తెలంగాణ బదిలీ కోరుకునే వారందరికీ ఏపీ గవర్నమెంట్ నో అబ్జక్షన్ సర్టిఫికెట్ (ఎన్ఎసీ) ఇవ్వనుంది. తెలంగాణ ప్రభుత్వ ఆమోదంతో బదిలీల విధివిధానాలు ప్రక్రియ రూపకల్పన జరగనుంది. అంతరాష్ట్ర బదిలీలకు ఆమోదం తెలిపిన సీఎంకు ఉద్యోగులు కృతజ్ఞతలు తెలిపారు.
Learn a Word September 2022 Schedule
0 comments:
Post a Comment