Automatic Repayment Benefits : లోన్ రీపేమెంట్ ఆటోమెటిక్ గా సెట్ చేసుకోవడం వల్ల 4 ప్రయోజనాలివే..

 చాలా మంది పర్సనల్ తీసుకుని ఈఎంఐలను ఆటోమేటిక్ గా చెల్లించేలా సెట్ చేసుకుంటారు. దీని ద్వారా లోన్ రీపేమెంట్ సులభతరం అవుతుంది. డ్యూ తేదీన లోన్ చెల్లింపు మీ ప్రమేయం లేకుండానే ఆటోమేటిక్ గా పూర్తువుతుంది. ఈ విధానాన్ని ఎంపిక చేసుకోవడం వల్ల నాలుగు ప్రయోజనాలు కూడా ఉన్నాయి. అవేంటో ఇప్ఫుడు చూద్దాం.

సులభం

లోన్ రీపెంట్ ఆటోమేటిక్ గా సెట్ చేసుకోవడం వల్ల డ్యూ తేదీ నాడు అకౌంట్ నుంచి డబ్బులు కట్ అవుతాయి. మీరు బిజీగా ఉండి లోన్ చెల్లించే విషయాన్ని మరిచిపోయినా ఎలాంటి ఇబ్బంది ఉండదు. అందుకే చాలా మంది ఆటో పేమెంట్ ఆప్షన్ నే ఎంపిక చేసుకుంటారు. ఒకటికి మించి లోన్లు ఉంటే ఒకే తేదీ లేదా తమకు అనువైన తేదీల్లో రీమెంట్లు సెట్ చేసుకుంటారు. దీని ద్వారా మీ రుణ వాయిదా చెల్లింపు ప్రతి నెలా సులభతరం అవుతుంది. బ్యాంకుకు వెళ్లాల్సిన అవసరం కూడా ఉండదు.

డ్యూ తేదీనే పేమెంట్

ఆటోమేటిక్ పేమెంట్స్ వల్ల ప్రతి నెల లోన్ ఇన్ స్టాల్ మెంట్ ఒకే తేదీలో కట్ అవుతుంది. దీని ద్వారా లేట్ ఫీజు, పెనాల్టీలు చెల్లించాల్సి అవసరం రాదు. డ్యూ తేదీ నాటికి రిపేమెంట్ చెల్లించకపోతే మాత్రం ఎక్కువ పెనాల్టీ, లేట్ ఫీజు చెల్లించాల్సిన పరిస్థితి ఉంటుంది. అందుకే ఆటోమేటిక్ పేమెంట్ ఆప్షన్ ద్వారా మీ ఖాతాలో బ్యాలెన్స్ మెయింటెన్ చేస్తే చాలు ప్రతి నెల డ్యూ తేదీన లోన్ చెల్లింపు పూర్తవుతుంది. కాబట్టి కస్టమర్లు ఆందోళన చెందాల్సిన అవసరం లేదు.

క్రెడిట్ స్కోరు పెరుగుతుంది

లోన్ ఈఎంఐని సకాలంలో చెల్లిస్తే క్రెడిట్ స్కోరు పెరుగుతుంది. ఆటోమేటిక్ పేమెంట్ విధానం వల్ల పాజిటివ్ క్రెడిట్ హిస్టరీ ఏర్పడుతుంది. మీరు తీసుకున్న లోన్ ను ఆన్ టైంలో చెల్లిస్తున్నట్లు రికార్డుల్లో నమోదవుతుంది. ఫలితంగా క్రెడిట్ స్కోరు స్థిరంగా మెరుగుపడుతుంది. దీని ద్వారా కొత్త లోన్లు పొందడం కూడా సులభం అవుతుంది.

ప్రశాంతంగా ఉండొచ్చు

ఒకటికి మించి లోన్లు తీసుకున్నప్పుడు ఆర్థిక పరిస్థితిపై చాలా మంది కాస్త ఒత్తిడికి గురవుతారు. ఈఎంఐ డ్యూ తేదీల గురించి కలవరపడుతుంటారు. అయితే ఆటోమేటిక్ రీపేమెంట్ల వల్ల కస్టమర్లు ప్రశాంతంగా ఉండవచ్చ. ప్రతి నెల మీరు చెల్లించాల్సిన లోన్ మొత్తాన్ని బ్యాంకు ఖాతాల్లో ఉండేలా చూసుకుంటే చాలు రీపేమెంట్ ఆటోమేటిక్ గా పూర్తువుతుంది. కాబట్టి వాటి గురించి ఎక్కువగా ఆలోచించాల్సిన అవసరం కూడా ఉండదు.