Job Notifications
ఈరోజుల్లో ప్రతి ఒక్కరికి సిబిల్ స్కోరు చాలా కీలకం. రుణ గ్రహీత లోన్ హిస్టరీకి ఇది రిపోర్ట్ కార్డు వంటిది. మీరు లోన్ కోసం దరఖాస్తు చేసినప్పుడు బ్యాంకులు మొదటగా తనిఖీ చేసేది సిబిల్ స్కోరునే. ఒకవేళ క్రెడిట్ స్కోరు ఎక్కువగా ఉంటే బ్యాంకులు తక్కువ వడ్డీకే రుణాలు మంజూరు చేసేందుకు ముందుకువస్తాయి. ఒకవేళ క్రెడిట్ స్కోరు తక్కువగా ఉంటే మాత్రం లోన్ ఇవ్వడం రిస్క్ అని భావించి విముఖత వ్యక్తం చేస్తాయి. లేదంటే ఎక్కువ వడ్డీతో రుణాలు మంజూరు చేస్తాయి.
అయితే సిబిల్ స్కోరులో క్రెడిట్ కార్డులు కూడా కీలకం. ఒకటి కంటే ఎక్కువ క్రెడిట్ కార్డులు ఉంటే సిబల్ స్కోరుపై ప్రభావం పడుతుందా? అని చాలా మందిలో సందేహాలు నెలకొంటాయి. క్రెడిట్ కార్డులు ఎన్ని ఉన్నా వాటిని నిర్వహణ బాగుంటే సిబిల్ స్కోరుపై ఎలాంటి ప్రభావం పడదు. సకాలంలో బిల్లులు చెల్లిస్తే స్కోరు ఆటోమేటిక్ గా పెరుగుతుంది. అయితే క్రిడిట్ లిమిట్ ను వీలైనంత తక్కువగా ఉపయోగించుకుంటేనే మంచిది.
ఒక వేళ మీరు కొత్తగా క్రెడిట్ కార్డులు తీసుకుంటే మొదటగా క్రెడిట్ స్కోరు తగ్గుతుంది. కానీ బిల్లులు ప్రతి నెల డ్యూ తేదీలోగా చెల్లిస్తూ ఉంటే స్కోరు మెరుగుపడుతుంది. క్రెడిట్ స్కోరును ముఖ్యంగా ఐదు కీలక అంశాల ఆధారంగా లెక్కిస్తారు. వీటిలో కొన్ని చాలా ముఖ్యమైనవి.
పేమెంట్ హిస్టరీ- 35 శాతం
మీ సిబిల్ స్కోరులో ఇది అత్యంత ముఖ్యమైనది. మిగతా అన్నింటికంటే చాలా కీలకం. మీ రుణాల తిరిగి చెల్లింపు ఎలా ఉందో తెలియజేస్తుంది. ఒకటికి మించి క్రెడిట్ కార్డులు ఉంటే అన్నింటి బిల్లులు సకాలంలో చెల్లించాలి. ఒక్క కార్డు బిల్లు ఆలస్యం చేసినా సిబిల్ స్కోరుపై తీవ్ర ప్రభావం చూపిస్తుంది.
డెట్ టు క్రెడిట్ రేషియో - 30 శాతం
మీ క్రెడిట్ కార్డు లిమిట్ లో ఎంత మొత్తాన్ని ఉపయోగిస్తున్నారో కూడా చాలా కీలకం. మీ లిమిట్ లో 30 శాతం లోపే ఉపయోగించుకుంటే సిబిల్ స్కోరు పెరుగుతుంది. 30 శాతం కంటే ఎక్కువగా ఉపయోగిస్తే సిబిల్ స్కోరు తగ్గుతుంది. ఉదాహరణకు క్రెడిట్ కార్డు లిమిట్ రూ. లక్ష ఉంటే ప్రతి నెల రూ .30 వేల లోపే ఉపయోగించుకునేందుకు ప్రయత్నించాలి. తప్పనిసరి పరిస్థితి అయితేనే 30 శాతం కంటే ఎక్కువ ఉపయోగించుకోవాలి.
యావరేజ్ క్రిడిట్ కార్డ్స్ ఏజ్ - 15 శాతం
క్రెడిట్ కార్డులు ఎన్నేళ్లుగా ఉపయోగిస్తున్నారో కూడా సిబిల్ స్కోరులో కీలకమే. ఒకవేళ కొత్తగా క్రెడిట్ కార్డులు తీసుకుంటే స్కోరు తగ్గుతుంది. కానీ కార్డులు ఉపయోగం పెరిగి బిల్లులు సకాలంలో చెల్లించే కొద్ది సిబిల్ స్కోరు మెరుగుపడుతుంది.
క్రెడిట్ టైప్ - 10 శాతం
మీరు ఏ రకమైన లోన్ తీసుకున్నది కూడా సిబల్ లో కీలకం. క్రెడిట్ కార్డులు, మార్ట్ గేజ్ లోన్లు, ఈఎంఐలు వంటి రకాలు కూడా సిబిల్ స్కోరును ప్రభావితం చేస్తాయి.
0 comments:
Post a Comment